  |
  
|
Respect or Rules?
又係一個考D.M.A. (Decision Making Ability) 的機會！
上星期四，公司18:00 開會，我17:57等電梯，大老細都係一齊，17:58，電梯到，讓大老細入電梯先，之後準備入電梯之際，一大班同事、上師後發先至，禮讓地比一班師兄、師姐、上師先進，結果，我同2個最先等電梯的同事反而入唔到！到等到下一部電梯的時間，已經過了18:00的開會時間，規則上，遲到者要罰$20，最終我地係極不情願之下被 "罰"了錢！
大家如果甘的情況，會點面對﹖
1. 大老闆係度，如果搶住入電梯，一定被指冇d禮貌！
2. 如果唔讓師兄、師姐、上師先進，甘會點﹖前路茫茫，唔知會點
3.如果堅持唔比罰款，會點﹖meeting唔會開始，另外上師或會記下這一帳，以後發展不堪想像！
4.結果我比左錢，老實一句：心不服！口不服！但我唔想為左$20影響我的前途！
大家有冇d 雙贏的情況可以達到﹖大家有咩建議﹖
BEYOND 無悔這一生 | |||||||
|
| ||||||
你信你得，你一定得！
一個人病的時間，係最軟弱的，精神、肉體都弱不禁風，好自然有一把無形的聲音叫你：唔好番工啦，你抖下啦，唔好去見客啦，呢個客都唔會幫你簽單的，你放棄啦！真的，有軟弱的一刻，但我唸，如果我退下來，我得到甚麼﹖失去甚麼﹖我發覺，其實自己不是不能，而是不為也，小小病，算係咩﹖其實之前講咩都好，都只係借口！你信你得，你一定得！你信你可以2小時內完成工作，你一定可以！你唔得，只係你信唔夠，所以做唔到！
只要你凡事不問能不能！工作即使幾辛苦，幾唔開心都好，只要你能夠從中發現一丁點的可取之處，你工作時已經不是涯日子，而是每日不停的從每事每物的吸收，每一件事件，同事、上司、朋友的每一句說話，都係一些經驗！友人曾經提過"開心大發現"，呢個概念我仍然記得， 而且發覺即使自己有幾努力都好，有D事根本自己都做唔到，反而同其他人分享，即被一語道破！A 小姐、J先生、C小姐多謝各位今日的賜教！無言感激！
真的想休息~
由2007年12月30日開始，已經病了11天了，期間，真的沒有好好的休息過，公司做野忙，星期六放假都要番公司做野，加上星期六、日又甘岩接hotline，真係冇時間休息，病了近2星期，病情好好壞壞，睇了4次醫生，依舊沒有太大起色，睇黎呢筆醫生錢真係唔慳得，都係要自己比錢去馬鞍山睇鄧柏生醫生先得，因為公司雖然有醫療卡，不過可能因為將價就貨的關係，所以睇左幾個醫生都睇唔好，依家喉嚨仲係好痛，偏眺線仲係發炎，真係好辛苦！
想睇醫生，不過聽日星期四上午已經有2個appointment，晚上又要番公司開會，下午極有可能都要去觀塘見客，邊有時間睇醫生﹖或者聽晚開完會後，又或者星期五先睇啦，想休息﹖或許只有得個想字！即使休病假都好，唔通我關電話﹖甘d客人咪找唔到我﹖唔關電話就一定唔使休息！ 星期六、日，快快來吧！我愛你！
祈求與得著
我祈求健康的身體，上天沒有立即使我健康，反而令我病了2星期，讓我懂得珍惜健康的可貴！
我想富有，老天爺沒有讓我中彩票，反而讓我工作上有更多發揮的機會。
我害羞面對群眾，衪就要讓我將會面對全公司的同事，要讓我學會勇敢。
我沒有學好普通話，上帝沒有令我一朝學曉，反而安排了一個4個月的課程給我。
我沒有女朋友，一年半來天父亦沒有令我遇到另一位，反而.........
我以往凡事依賴他人，如今衪令我學習獨立。
我生活圈子小，上天沒有令我有多多朋友，而是讓我自己組織活動，去結識朋友。
上面的7個情況，各人的睇法都唔同，始終觀點與角度的不同！你會點面對呢﹖
曲：林健華
詞：林夕
編曲：林健華
想喝水 給我水或者高燒可勉強減退
然後鎮靜情緒忘掉我這裡應該 有誰
不要想 只管睡肉體安好不要怕心碎
無謂繼續麻醉期待你會賜給我 藥水
如果失戀註定逃不過 逃到病床前才明白更多
和你分手都也捱得過 然而這夜為何無能力退燒 多麼錯
不要緊 請辜負或者傷風比你更可惡
從病榻上回顧其實愛你太辛苦 何苦
如果失戀註定逃不過 逃到病床前才明白更多
和你分手都也捱得過 然而這夜為何無能力退燒 多麼錯
如果失戀註定逃不過 逃到病床前才明白更多
和你分手都也捱得過 然而這夜為何難承受痛楚
誰說失戀總會捱得過 捱到病床前才承受最多
和你分手都也捱得過 為何徹夜難眠良藥就算苦 請給我
